Slider

محلَّك بتقدم ليك شنو ؟

تصميم الهوية البصرية

لأنو الهوية البصرية في النشاط التجاري ليها أهمية كبيرة ، فعشان كدا محلَّك بتساعدك في العمل على تطوير هويتك وعلامتك التجارية .

تصوير المنتجات

لأنو تصوير المنتجات واحدة من أهم الخطوات العملية عشآن تعمل متجر إلكتروني بواجهة إحترافية فنحنآ في محلك بنصور ليك منتجاتك كلها تصوير إحترافي وظابط وبنضيفها ليك كمان في متجرك الإلكتروني .

التسويق الإبداعي

مآ كفاية بس يكون عندك منتجات بجودة ظابطة شديد وتنزلها في متجرك الإلكتروني وتخليها قاعدة كدا ساي بدون مآ يكون عندك ليها خطة تسويقية واضحة .

إدارة المحتوى الرقمي

محلك بتساعدك برضو في إدارة وتطوير المحتوى الرقمي الخاص بيك ومآبس كدا بتساعدك كمان في تصميم منشوراتك و حملاتك الإعلانية وإدارة صفحاتك على مواقع التواصل الإجتماعي .

خدمة العملاء

عشان نقدر نخليك تركز على شغلك وتطوير أعمالك ، حنريحك من ضغط وجوطة خدمة العملاء حنقوم بالتواصل مع زباينك و تأكيد طلباتهم عن طريق أدوات تقنية متخصصة في الـ CRM .

الخدمات اللوجستية

واحدة من المشآكل والتحديات البتواجه أصحاب المتاجر الإلكترونية في شغلهم هي الخدمات اللوجستية فعشان كدا محلك بتقدم ليك أفضل حلول الشحن والتوصيل السريع ومتابعة وإستلام الدفعيآت من عملائك وتسليمها ليك .

الدعم الفني

فريق محلك معاك على مدار اليوم / الساعة ، في أي مشكلة ممكن تواجهك و في كل حاجة بتحتاج ليهآ في تجارتك الإلكترونية .

التدريب والتطوير

لأننا في محلك و يلآ نبدأ بيزنس همنا الأول إنو مشروعك يكبر وينجح ، بنقدم ليك ورش تدريبية تطبيقية بتسآعدك في إدارة تجارتك الإلكترونية وحنوفر ليك كافة الأدوات والوسائل العلمية والتقنية البتسآعدك في تطوير تجارتك الإلكترونية والوصول بمنتجاتك للسُوق العالمي .

آسئلة مهمة

خدمة محلَّك هي عبارة عن خدمة متجر إلكتروني متكامل ، بدأً من تأسيس منصة المتجر بطريقة احترافية مطابقة للمواصفات العالمية شاملة التصميم المتوافق مع الهوية البصرية لعلامتك التجارية ، وبعد كدا بنصور ليك منتجاتك تصوير احترافي وبنضيفها للمتجر ، وبعد كدا بندير ليك العملية كاملة من وقت الزبون يطلب لحدي ما يستلم المنتج ، ودا بيشمل عملية الطلب وطريقة الدفع ، والتوصيل لحدي العميل البيتم عبر واحدة من شركات التوصيل المتعاقدة مع محلَّك ، وكمان بنراجع معاك شغلك كامل حتى في صفحتك او القروب البتستخدمه للتسويق لمنتجاتك عشان نقدر نساعدك في تطوير شغلك من ناحية التسويق والمبيعات .والعلامة التجارية .

خدمة محلَّك مستهدفة الناس العندهم براند أو منتج فيهو إبداع أو طلب ما مستورد ، بتتم عملية إنتاجه هنا في السودان بالكامل وبتصنع من مواد خام محلية ، على الأقل مدخلات الإنتاج المحلية تكون بتمثل ما لا يقل عن 60% ، ودا لي توجهنا الداعم للصناعة والإنتاج المحلي ، و لرغبتنا في تقوية العلامات التجارية السودانية وأملنا وحلمنا إنها توصل للأسواق العالمية ، من خلال قوتنا وخبرتنا في التسويق والتجارة الإلكترونية وصناعة العلامات التجارية كأفضل ما نجيد .

بكل تأكيد ممكن طبعا ، لكن معناها في الحالة دي حنقدم ليك الخدمة بشكل مختلف وتكون بطريقة مناسبة لي متطلباتك واحتياجاتك ، ودا ح يتطلب منك إنك تراسلنا عبر نموذج التواصل في اسفل الصفحة ، وحيتم التواصل معاك إن شاء الله خلال 72 ساعة عن طريق قسم المبيعات في محلَّك وحياخدوا منك كل التفاصيل وحيرسلوا ليك نموذج بشكل الخدمة المناسب لشغلك شامل كل التفاصيل .

خدمة محلَّك عبارة عن مشروع مجتمعي ( social enterprise ) الهدف الرئيسي من خدمة محلَّك هو تطوير المنتجات و العلامات التجارية السودانية دا من جانب، ومن جانب تاني تطوير سوق التجارة الإلكترونية في السودان بشكل عام ، فعشان كدا نحن ح نكون شريك استراتيجي أصيل مع الشركات أو الأفراد الـ حيطلبو مننا خدمة محلَّك ، فـ نحن عشان نحقق الأهداف دي بنعمل معاك اتفاق، الاتفاق دا مبني على عدة عوامل رئيسية بيدخُل فيها على سبيل المثال لا الحصر ( نسبة السَودَنة في منتجاتك ، متوسط المبيعات ، سمعتك في السوق ، قوة علامتك التجارية أو إمكانية التطوير فيها ، انفتاحك وتقبلك للنقد و رغبتك إنت كـ صاحب منتج في التطوير و الشراكات الاستراتيجية، شغفك وحبك واهتمامك بي منتجك وبي خدمات ما بعد البيع، حرصك واهتمامك بي عملائك.. إلخ)
و الاتفاق بيكون عبارة عن نسبة من المبيعات أو صافي الأرباح للعمليات البتتم من خلال المتجر الإلكتروني أو عن طريق محلَّك بيتم الاتفاق عليها بناءاً على العوامل المذكوره أعلاه وبتتراوح النسبة من 5 - 20% . وكمان نحن بنربح من خلال اتفاقياتنا مع شركات التوصيل ومن شغل الخدمات اللوجستية ومن خلال خدمات الدفع الإلكتروني على المدى البعيد.

العملية بتتم في مرحلتين

المرحلة الأولى :
مرحلة الإختيار ودي بتتم في مدة قدرها 20 يوم من الإعلان الرسمي وحيتم فيها الفرز والتحليل و إختيار 25 متجر إلكتروني خلال المرحلة دي .

المرحلة الثانية :
التواصل مع المختارين وتوقيع العقود في مدة قدرها 15 يوم بعد المرحلة الأولى ، بيتم العمل على إطلاق 5 متاجر إلكترونية وخلال الـ 15 يوم دي بيتم التواصل مع أول 5 متاجر تم إختيارهم وبيتم توقيع العقود والاتفاقيات وتصوير المنتجات ومراجعة طريقة العمل في الواقع وصفحاتهم في الشبكات الإجتماعية ومراجعة العلامة التجارية والهوية البصرية كذلك ، وبيتم تدريب أصحاب المتاجر دي على كيفية استخدامها وكيفية تلقي الطلبات والرد على العملاء عن طريق فريق محلَّك ، كمان بيتم الترويج للخدمات دي عن طريق قنوات يلا نبدأ بيزنس وإذا تطلب الأمر تقديم استشارات أو خدمات لغرض التطوير فح نكون معاكم خطوة بي خطوة ،
وكل 15 يوم حيتم إطلاق 5 متاجر إلكترونية لحدي ما تكتمل الـ 25 متجر التم إختيارها

وبعد كدا حنفتح نموذج التقديم من جديد ويتم إختيار مُنتجين جدد ويتم التنفيذ بنفس الآلية
هدفنا حتى نهاية العام تقديم خدماتنا إلى ما لا يقل عن 50 مُنتِج سوداني وتوفير فرص عمل لما لا يقل عن 500 شخص، والوصول ب 5 منتجات على الأقل للسوق العالمي بإذن الله.

فريق محلَّك و يلا نبدأ بيزنس ، عندهم خدمات تحليل وتطوير الأعمال واللي هي معتمدة على شبكة علاقات وبيانات واسعة ، فمثلا حنشوف نموذج العمل ( business model ) بتاعك عامل كيف وحنشوف وين ممكن نطور ، احياناً لو حاجاتك ظابطة شديد و مشجعة ممكن نقترح ليك حتى تمويل أو دعم لغرض التطوير من خلال مستثمرين ملائكيين أو نقترح ليك موردين للمواد الخام ... إلخ من مساحات التطوير الملموسة على أرض الواقع ، أما من خلال الصفحات ف بنراجع العلامة التجارية حقتك وطريقة توصيلك لي معلوماتك لي زبائنك وسياساتك التسويقية و طريقة الرد على العملاء، وبتوصل احيانا لمراحل أبعد من كدا بي استخدام وسائل تحليل الذكاء الاصطناعي AI عبر شراكات استراتيجية ما بيننا وما بين مؤسسات متخصصة في التحليل دا.

المشروع دا ممول عن طريق مجموعة من الشراكات الذكية ما بين يلا نبدأ بيزنس و محلَّك و شركات شغالة في مجالات التحليل والخدمات اللوجستية.

إتواصل معانا

لو عندك أي إستفسار عن أي حاجة ما وضحت ليك كويس تقدر تراسلنا وتتواصل معانا في أي وقت بناسبك .